ნინო დანელიას მიღებული აქვს ხელოვნებათმცოდნეობის ბაკალავრისა (თბილისის სახელმწიფო სამხატვრო აკადემია)და მას-კომუნიკაციის მაგისტრის (ლუიზიანას სახელმწიფო უნივერსიტეტი, აშშ) ხარისხი. ის არის ილიას უნივერსიტეტის პროფესორი და საქართველოს საზოგადოებრივი უნივერსიტეტის მოწვეული პროფესორი. ამჟამად მუშაობს სადოქტორო თემაზე და იკვლევს საბჭოთა პერიოდში ინფორმაციის მიღებისა და გავრცელების არაოფიციალურ არხებს. თემის დაცვა დაგეგმილია სამხრეთ კაროლინას უნივერსიტეტში 2015 წლის დეკემბერში. მისი კვლევის ინტერესებია კომუნიკაციის და კონკრეტულად, მედიის როლი პოლიტიკურ და სამოქალაქო ჩართულობაში, სამოქალაქო სივრცის შექმნაში. ნინომ აკადემიურ სფეროში მედიაში მუშაობის რვაწლიანი გამოცდილების  შემდეგ გადაინაცვლა.