იკითხე პოლიტიკა

ამომრჩეველი რომ ამორფული მასა არაა - ეს პოლიტიკოსებმა კარგად იციან. ფეისბუქზე განთავსებული წინასაარჩევნო პოლიტიკური რეკლამები, რომლებიც სამიზნე აუდიტორიის დაკონკრეტების შესაძლებლობას აძლევს საარჩევნო სუბიექტებს, ამომრჩეველთან კომუნიკაციის კარგი შესაძლებლობაა. 

გირჩის პარტიული სიის შედგენის საკითხი ცალკე განმარტებას მოითხოვს: პარტიული სიის ფორმირებისთვის მათ გამოიყენეს ხმის ონლაინ მიცემის სისტემა. კერძოდ, “გირჩის” საიტზე რეგისტრირებულ მხარდამჭერებს შეეძლოთ, პარტიის მიერ შექმნილი ციფრული ფულის, GeD-ის (Georgian Dollar, ე.წ. “ჯედი”) დახმარებით ხმა მიეცათ სასურველი კანდიდატითვის. ამ ფულს მხარდამჭერები პარტიისთვის შემოწირულობის ჩარიცხვის ხარჯზე იღებენ. (100 GeD =1 USD)

“პატრიოტთა ალიანსი” მკვეთრად გამოხატული ანტიფემინისტური და ჰომოფობიური იდეოლოგიის მქონე პარტიაა. მათი რიტორიკა სავსეა სიძულვილის ენით ქალების, სექსუალური და გენდერული ნიშნით ჩაგრული ჯგუფების მიმართ

პარტიების პროგრამებში არ არსებობს დედობის მიღმა ქალი. და დედობის ან მშობლობის შემსუბუქებაზეც ძალიან ცოტას ლაპარაკობენ. ძირითადად ბაღებში და სკოლებში უფასო საკვებით და ერთჯერადი დახმარებებით შემოიფარგლებიან.

საარჩევნო ბლოკის “ერთიანი ნაციონალური მოძრაობა - გაერთიანებული ოპოზიცია “ძალა ერთობაშია” პროპორციულ სიაში სულ 177 პირია რეგისტრირებული, ქალების რაოდენობა ზუსტად კვოტით დაწესებულ 44-ს შეადგენს (25%). Დასახელებული 24 მაჟორიტარიდან 3 ქალია (13%), ამასთან, სიის პირველ ათეულში 3 ქალია, ხოლო ოცეულში 5, რაც 2016 წელთან შედარებით, გაუარესებული მაჩვენებელია.

“სტრატეგია აღმაშენებლის” რეგისტრირებულ პროპორციულ სიაში 57 ქალია, სრული სიის 38%.  პარტიის პროპორციული სიის პირველ ოცეულში 8, ხოლო ათეულში 3 ქალია. პარტიას მხოლოდ 2 მაჟორიტარულ ოლქში ჰყავს საკუთარი კანდიდატი წამოყენებული, 1 ქალი და 1 კაცი.

სულ რაღაც ერთი წლის პოლიტიკური პარტიის “ლელო საქართველოსთვის” მაჟორიტარულ სიაში 7 ქალია, მთელი სიის 23%. პროპორციულ სიაში 42 ქალია - 30%. პროპორციული სიის ათეულში 3 ქალია, ოცეულში - 5.  

ლეიბორისტული პარტიის მიერ რეგისტრირებულ  პროპორციულ სიაში 57 ქალია, სრული სიის (168) 33.5%, რაც 2016 წლის საპარლამენტო არჩევნებისთვის რეგისტრირებულ პროპორციულ სიასთან შედარებით გაუარესებული მაჩვენებელია. პროპორციული სიის პირველ ათეულში 2, ხოლო ოცეულში 5 ქალია, ხოლო პარტიის მაჟორიტარულ სიაში (10 ოლქი) არცერთი ქალი არ არის.