ჰაინრიჰ ბიოლის ფონდის ფემინისტური ვებგვერდი

2024 წელი მარტივი წელი ნამდვილად არ ყოფილა, თუმცა გვიხარია, რომ მიუხედავად სირთულეებისა,შევძელით გამოგვექვეყნებინა ქართველ, აზერბაიჯანელ და ბოსნიელ ავტორთა 12 სტატია, ასევე, სიღრმისეული ვიდეო დისკუსია “საქართველოს (ანტი)გენდერული დემოკრატია და ავტორიტარიზმის დაპირება“, რომლის წერილობითი შეჯამებაც ხელმისაწვდომია ჩვენს ვებგვერდზე. გასულ წელს ასევე გამოვაქვეყნეთ ბეჭდური პუბლიკაცია „მასკულინობები სამხრეთ კავკასიაში: ფორმები, იერარქიები და გამოწვევები“, რომელიც აუდიტორიას წარვუდგინეთ თბილისში, ერევანში და ონლაინ.

სტატიაში ავტორი მკითხველს აძლევს შესაძლებლობას, გაეცნოს სახელმწიფოს საგარეო პოლიტიკის შემუშავების ფემინისტურ ხედვებს, რომლებიც, ერთი მხრივ,  ტრანსფორმაციული პოლიტიკის შემოღებით, მიმართულია უკეთესი სამყაროს შექმნისკენ, ხოლო მეორე მხრივ, განიხილავს და აანალიზებს ფემინისტური საგარეო პოლიტიკის მქონე ქვეყანათა მიღწევებსა და არსებულ გამოწვევებს.